di Giovanni Giardina

Gentile Direttore, anch’io  come Luca Chiofalo voglio dire la mia in merito a quanto succede nel nostro paese , in modo particolare  durante il periodo d’estate. Lo faccio mediaticamente attraverso  i versi di questa poesia .

VESPI E LATRI   di Fontana Antonino

Li vespi sunnu sempri arrabbiàti

e sempri pronti a dari muzzicùna,

quannu fa suli , cavudu d'estati,

sunnu comu li tigri e li liùna.

Lu stessu sunnu l'omini sbirsàti,

chi sù 'nzignati a fari li latrùna,

prima si fannu li beddi scialàti

e poi si fannu l'amari vuccùna.

Ci nn’è chi spissu morunu ammazzàti,

e inchinu li zubbii * e li vaddùna,         *(fosse - grotte)

chiddi ca di sbirri su' arristàti,

quannu vannu 'ngalera, è 'na furtùna.

Amici, s’iddu sbagghiu, mi scusàti,

chist'è la virità, 'un'è canzùna,

lu dicu a tutti chiddi c'attintàti

c'è cu la vita scancia pi miliùna.

Lu dicu a vuci forti apertamenti,

Sunnu pirsuni , malati i menti.