Sicilianu sugnu - di Giovanni Giardina 

Iò pi natura era e riestu bieddu,
puortu mustazza, coppula e cutieddu

Sicilianu sugnu:
Si viu na fimmina, ca mi duna cuocciu,
pierdu lu siennu e diventu pacciu.

Sicilianu sugnu
Iò quannu viu pilu, mai mi scanzu
appena viu na fimmina , l'allanzu !

Sicilianu sugnu:
Scurri 'nte vini mia, sangu i briganti,
'un puozzu fari a menu di l'amanti

Sicilianu sugnu:
Scarsu di sordi, ma riccu di sustanza,
prima di tuttu, iò pienzu pa panza.

Sicilianu sugnu:
Scrivu ,suonu, cantu e mi nni vantu
e si ci su poeti,.........nun mi scantu!

Sicilianu sugnu:
E pi finiri, scrivu sti tri viersi,
cu la spiranza ca nun vannu piersi,
nun è na poesia, mancu na prosa,
è giustu, p'intinnirini i na cosa:

Idda.... mi missi a manu supa o cosu,
iò.........ci missi a manu supa a cosa,
e poi.....di cosa, nasciù cosa !