giardina-poesiadi Giardina Giovanni


clicca sul triangolo  per ascoltare

 

Lipari in agonìa !  

 

Niscìti tutti fora, figghi e amici

niscìti ormai nun bastanu li preci

sonàti tutti i campani, sonàti forti

ca stu paisi è cunnannatu a morti.!

 

Currìti puru i figghi da luntànu

currìti cca’ a dàrini na manu

è a mamma vostra ca vi scerca aiutu

sugnu sicuru ca ,‘un v’atú scurdàtu.

 

I muorti puru i dda stannu a uardàri

nun hannu vusci e ‘un ponnu parlàri

‘un hannu cchiù ripuosu ,‘un’hannu pasci

vidiennu stu paisi ‘nta sta vrasci.

 

Sta terra divintò peggiu du ‘nfiernu

è puru curpa quannu ‘un c’è Guvernu,  

L’omu da natura ‘un teni cuntu

e all’occasioni nni presenta u cuntu...

                                                

N’ta st’anni ha cummattutu cu li vienti

di corpa e mari ha prutiggiutu a genti

u tirrimuotu mai ha fattu disastru,

San Martulu pi chistu è veru Mastru.

                                                

Giràti figghi mia da chissu munnu

pi st’isuli ca stannu jennu o funnu

Lipari sta piniannu...... pi mala sorti !

sonàti tutti i campani.....sonàti a morti !

                                                

S’aggiranu i to figghi p’aiutàri

camìnu a scausa e aggiru a priàri!

Pi ora ca ti staiu vidiennu in agonìa !

ti sta purtannu u cori e a vita mia!