di Nello Raffaele
Iò sugnu lu "Zu Turi" da Marina
e lu chiu' beddu di li piscaturi,
"u primu sugnu ?n terra la matina,
mi stiru e ringraziu lu Signuri.
Nun sugnu riccu e macu povireddu,
cummattu c'a saluti, ma mi scanmzu, mi staiu facennu ormai vecchiareddu,
però quannu mi sentu vaiu all'anzu.
Di stati e invernu pi li me dulura 'n testa mi portu 'na birritta 'i lana
ricamata ma 'ntrisa di sudura
pi scavari lu pisci di la tana.
Iò senza varva sugnu un cittadinu;
quannu nun mi la levu sugnu atturi:
ritrattatu di fermu o chi caminu,
'a foto vonnu tutti d'u Zu Turi.
Si 'n'acchiata e 'nu cefalu prumettu,
tutti mi dinnu Merica, e 'u rialu:
cu 'nacchiata di menu o 'nu mulettu
sempri lu stissu sugnu e mancu calu.
Tutti mi vonnu beni pirchì cantu,
cà 'nt' 'o cantari iò paroli 'nventu;
iò sugnu Tuti Alivu e mi ni vantu,
dinari 'un haiu e sempri su cuntentu.
Si lu stinnardu all'asta nun mi 'ccattu,
San Bartulu capisci e mi pirduna:
'u sapi ca la vita iò cummattu
e cu lu specchiu nun si fà fortuna.
Ancora vi lu dicu e mi ni vantu
ca di fiscina sugnu un prufissuri:
'ntà lu misteru me nun tegnu scantu;
si scola 'ni vuliti, unn' 'U Zu Turi.
Si carchidunu prima 'i mia lu passa
ddu mari unni di casa sta lu pisci,
è bestia; nun lu vidi, ddà lu lassua;
'ddu sceccu d'allanzari 'un ni capisci.
Si chiddu mari stissu iò 'u ripassu,
smovu lu funnu e ddà lu pisci nesci,
a lampu lu 'nfiscinu e lu trapassu,
Sugnu 'U Zu Turi Alivu, e 'cca finisciu.
LE REAZIONI NEL WEB
Geri Palamara: Bravissimo Nello
Salvatore Agrip: Nello Raffaele è un vero poeta-autore, quello che scrive rappresenta uno scorcio di storia, un personaggio realmente vissuto, il tutto è intriso di una autentica eolianetà. A me piace "vannazzu allu burattu"
Frank Speziale: Nello, Dolce amico d'infanzia, I love you " for ever. Sono quasi alla fine, della mia vita, Caro, Caro Amico, Vorrei tanto vederti prima del mio ultimo respiro. Love Ruccio
Gaetano Mondello: Grande la mattanza di Nello Raffaele. Frank vieni a trovarci a Lipari!
