Eventi e Comunicazioni

agevolazioni_bonus_pubblicità_2024.jpg

"Con il Notiziario delle Eolie Bonus pubblicità con credito d'imposta al 75%" 

Dettagli...

giardina-poesia

Tidda !   di Nino Martoglio

                                        

Tidda

Jù patirrìa li guai di lu linu

tagghiatu tuttu , poi stisu a lu chianu

poi mazziatu e fattu finu finu

senza ca nni ristàssi un filu sanu.

 

Poi fattu a matapolla* e musulinu**   * ( fatto a gomitolo - ** filo di lino )

poi fazzulettu pi li vostri manu,

d’accussì vi starìa vicinu

e no, ca v’è guardàri da luntànu !

 

Signurinedda, vui c’arricamàti,

‘ntra lu tilàru arrèri la vitrina,

dicitimi : pirchì è ca mi guardàti

quannu di ddocu passu la matina ?

                                        

Li vostri augghi sunnu prilibàti,

su d’azzàru * e ccu la punta fina               * ( lega speciale)

ma cchiù puntuti sunnu e cchiù ammulàti,

s’occhi ‘ntra ‘ssa facciuzza di bammina.

                                        

Vui, ccu ‘ssi ’ucchiuzzi beddi e tradituri

arricamàti supra lu me cori,

arricamàti na cifra d’amuri ,

ma tuttu spurtusatu e’ lu me cori

moru pi la priizza e lu dulùri,

senza chi vui, sapìti pirchì mori !