Simu genti i mari ! di Giovanni Giardina

clicca sul triangolo bianco per ascoltare

Simu a mari....
e 'un sapimu cchiu' chi pisci 'amu a pigghiari !
Ora ci su i scadenzi ,bullu, ass/ni, tv, tarsu, imu !
"Sta vota piddaveru nni ni imu."

"Bon tiempu o malu tiempu ,
'un dura sempri un tiempu"
A stati ormai passò, arrivo' u 'nviernu :
nni pò sarvàri sulu u Patri Eternu !

A forza di sciroccati, e di punenti
avìmu vogghia i strinciri i dienti,
so nni livàmu sti carrichi davanti,
tutti i jorna sarà sempri griecu e livanti .

E 'un t'aspittàri nenti da stu Statu ,
ca nni stà scippannu a pedda e puru u sciatu,
nù sannu mancu iddi c'annu a fari
e continuanu a tagghiàri e a tassàri !

Ormai 'un ci spieru cchiù co tiempu cancia
finieru i tiempi i cu s'arrancia arrancia;
'un sunnu cchiù ddi tiempi di na vota :
campàmu tra timpurali e tirrimota !

A nuautri, ca simu tutti genti i mari ,
nni restanu du cuosi sulu i fari :
1) O nni pigghiamu i rimi e continuàmu a vucàri,
2) O nni pigghiamu na mazzira e nni iàmu a ghittàri a mari !