RIMPIANTU ( di Ruccio Carbone )

Recita Giovanni Giardina

clicca sul triangolo bianco per ascoltare

Nascìvu 'nta lu riegnu di lu mari
ca si janchìa di pummici e lampàri
'nta menza luna i rina du Cannitu
unni lu suli è forti e l'omu arditu.

Nascìvu 'nta lu riegnu di lu mari
ca si janchìa di caudu e lampàri
criscìvu 'nta ddu riegnu ammaliaturi
ca cu ci nasci è sempri " un Re d'amuri ".

Amuri pi la genti e pi la vita!
amuri pi la terra sua avìta !
amuri duci di li piscaturi
puru pi pisci, amuri pi lu suli

Amuri pi l'ascedda e pi lu mari
amuri pi li varchi, e pi culùri
amuri pi lu vientu e pa fatìca
puru pa terra ca nun èsti amica.

Amuri pi li muorti e pi li vivi
amuri pi li viecchi e pi l'alivi
amuri pi li vienti e puru sienti,
amuri pi ccu campa 'ncuntinenti.

Nascìvu ' nta lu riegnu di lu mari
'nta chidda casa janca a frajmari
ed èsti dda ca iò vogghiu aggiràri
n'mmienzu a me genti,
n'mmienzu e Cannitari !