Il rispetto della tua privacy è la nostra priorità 

Questo sito utilizza Cookie tecnici e di profilazione di terze parti. Clicca sul bottone - chiudi - per accettare l'uso dei cookie e proseguire la navigazione.

Stampa

Mamma lupa ! di Franco Gitto 


clicca sul triangolo bianco per ascoltare

La virgogna !
Ma chi è sta virgogna !!!
La viritati esisti...
E li prucessi all'italianu sunnu sulu dui:
O si processanu omini di storia,
o si cunfinanu pirsunaggi di favula...
Chista è l'Italia !
Ma quali virgogna !
L'abitudini è na cosa cchiù forti dill'omu !
E l'omu.. è sempri debuli !

Lu guaiu lu cumminò, dda vecchia lupa,
madri aduttiva, simbulu di Roma,
ca cu ddi beddi minni,
svizzò li primi figghi senza Patri...

D'allura: dda lupa nun eppi cchiù paci !
Tutti li bastardeddi, li figghi di puttana
e tutti chiddi, cu l'acqua alla ula...
comu : Romulu e Remu,
currunu ancora, versu Roma
e 'un hannu caputu,
ca li minni di la nostra lupa,
"la quali è arriddusciuta peddi e ossa"
(ma nun si tira arreri):
sunnu troppu picca !
e li bastardi oggi: sunnu assai.

Povira lupa !!! Chianci ?
Hai ragiuni !
Pirchì u to latti,
nun servi cchiù a nutriri 'mpiraturi !
ma sulu a rinfurzari
omini di merda e nobili ladruni.

Mamma_Lupa.jpg

Visite: 1907