“ ONOMASTICU “ di Nino Martoglio

recitata da Giovanni Giardina.

Mamma oggi e’ il giorno del  tuo onomastico, mi manchi tanto !
Auguri 

Ascùta, mamma: - 'Ntra 'stu munnu stortu

l’haju passatu a middi, li svintùri,

e a 'st'ura certu ca sarrissi mortu,

senza li to' ducizzi e li to' curi.

Te sula, 'ntra li jorna di scunfortu,

m'haju truvatu, amica e cunfissùri,

te sula ha statu l'unicu cunfortu,

barsamu e 'nguentu pi li me' dulùri.

Vucca di santa chi non sa tradiri,

sciumi d'amuri, ca lu munnu all’aja, *
( allaga )

oggi, mammuzza, chi ti pozzu diri ?

Vogghiu sanàri tutti li to’ chiaja,

vogghiu fàriti ricca e vogghiu ' ssiri         

lu vastuneddu di la to' vicchiaja!