U monumientu i San Calogeru !
di G. Giardina 15-12-2013

 
clicca sul triangolo per ascoltare

U_monumientu_di_SCalogeru_-_Lipari.jpg

U monumientu i San Calogeru !

C'era na vota surgenti d'acqua e nu stabilimientu,,
ca 'nto bisuognu tu truvavi ogni mumientu,
c'era na vinatùra d'acqua ca scurrìa
e un mastru c'a curàva cu maistrìa !

Ddu mastru si chiamava Favaluoru
ca pi stricàri avìa du mani d'oru,
prima ti trasìa 'nto furnu pi sudàri
e poi ti cuminciava a massaggiàri.

E ddu puostu cu è ca u'nu canuscìa ?
Si unu pi dulura 'un'arriggìa
currìa di cursa pirchì ormai u sapìa
ca jennu dda 'nta nenti si guarìa.

Oh San Calogeru, Santu binidittu !
ch'eri miraculusu mi l'avianu dittu !
ma pi l'ossa mia aviri tantu prufittu,
tra Ti e ddu mastru c'era un ligàmi strittu.

'Un'era duttùri e mancu prufissùri,
ma ormai sapìa curàri ogni dulùri
. discìa :" Si sti dulura 'un ti fazzu passàri...
quannu mi scuntri,'un m'ha salutàri ! "

Quanta cristiani ti vinniru a circàri ?
Quantu sciunchi fascisti caminàri ?
Dopu tant'anni i curi e dedizioni,
chiudièru, e ti missiru in pinsioni !!

Poi, ca scusa du turismu arrivò u mumientu,
ca ddu puostu u inchièru chinu di scimientu
e unni prima c'era a surgenti e u stabilimientu
nni lassaru sulu u palazzu, cumu monumientu !.

U_monumientu_di_SCalogero.jpg