ODIU !
poesia di Graziosa Casella tratta da "Arsura D'amuri" di Alfio Patti

Odiu 'sta vita mia , fatta di chiantu
odiu 'sta vita fatta di turmentu
odiu la gioia, lu risu, lu cantu
odiu la luna, lu suli, lu ventu.

Odiu l'amuri, ca p'amari tantu
persi la paci e cchiù lu sintimentu
odiu tuttu, non avi cchiù 'ncantu
ppi mia 'sta vita ca morta mi sentu.

Si sti mura putissiru parrari
tutti li peni mei, lu me suffriri,
iddi suli putissiru cuntari.

Ma su' muti e non parrunu li mura
e nuddu saprà mai lu me duluri
e inutilmenti st'arma si turtura.

ODIO – Odio la vita mia fatta di pianto / odio la gioia, le risa, il canto / odio la luna, il sole, il vento. // Odio l'amore, che per amare troppo / ho smarrito la pace e di più il senno / odio tutto, non ha più incanto / per me la vita che morta mi sento. // Se queste mura potessero parlare / tutti i miei patimenti, il mio soffrire, / solo loro potrebbero narrare. // Ma sono muti e non parlano i muri / e nessuno saprà mai il mio dolore / e inutilmente l'anima si tortura.