Sangu tradituri! di Giovanni Giardina 

Oh sangu, sangu , sangu mia aduràtu !
servu fedeli i quannu sugnu natu,
o fu pirchì 'un sa mentiri, o fu pi eredità,
ca ti purtasti appriessu u D.N.A.

Privu di jammi , liquidu e fluidusu
di vini mia canusci ogni purtùsu,
riccu di globuli russi, janchi e di piastrini,
mastru di geni e chinu di proteini.

Mai ha canusciutu pinuli o dutturi,
o puramenti cacchi prufissuri,
pi chistu m'impignaiu tutta a vita mia,
pin un ti fari veniri anemìa.

Saziu pi sustanzi 'nto manciàri
tu ha scurrutu i vini senza sciatàri,
sempri ha nutrutu organi vitàli,
e mai ha scircàtu analisi o spitàli.

Ma u cori però, puru havutu fedi
e t'ha pompatu da testa finu e piedi,
sulu pi scanti, sfuorzi o agitazioni,
t'ha fattu sballàri i testa o di prissioni.

Passaggi ti nn'ha datu, un sacciu quanti,
costrettu a fari battiti custanti,
mai t'ha chiudùtu transitu all'aorta,
o t'ha lassàtu i fora arriedu a porta !

Quantu pugnalàti s'assuppàtu ?
Quantu frecci p'amuri ha ricivùtu ?
Puru feritu a morti pa passioni,
ha spintu u sangu a fari donazioni.

Oh sangu, sangu, sangu tradituri !
ora ca sugnu debuli i prissioni,
pir mi 'un provi mancu cumpassioni ,
quannu ci nn'era assà ci u davi a tutti,

Ora ca ci nn'è picca :
invesci di pinsàri pu patruni,
ci u sta fannu sucàri,
a un pugnu di farabutti e di latrùni !